कॅलेंडर बदलण्याआधी स्वतःला बदलूया.
नवीन वर्षाच्या स्वागतासाठी आपण घराची साफसफाई करतो,रोषणाई करतो,नवनवीन संकल्प करतो.पण खऱ्या अर्थाने नवीन वर्षात प्रवेश करण्यापूर्वी मनाची साफसफाई करणे अधिक गरजेचे असते.आपल्या प्रगतीच्या आड येणाऱ्या काही जुन्या गोष्टींना मागे सोडल्याशिवाय नवीन यशाची शिखरे सर करता येत नाहीत.या नवीन वर्षात स्वतःला समृद्ध करण्यासाठी जुने संशय आपल्या मनात स्वतःबद्दल असलेले संशय हे प्रगतीचे सर्वात मोठे शत्रू असतात.”मला हे जमेल का? ‘किंवा “मी याच्या पात्र आहे का? ‘असे प्रश्न आपल्या आत्मविश्वासाला पोखरतात.स्वतःच्या क्षमतेवर शंका घेणे सोडा.भूतकाळात झालेल्या चुका म्हणजे तुमचा पराभव नाही,तर तो एक अनुभव होता.हे संशय मागे सोडून स्वतःवर विश्वास ठेवण्यास सुरुवात करा.अनेकदा आपण अपयशाच्या भीतीने नवीन पाऊल उचलायला घाबरतो.ही भीती आपल्याला एकाच जागी जखडून ठेवते.कालपर्यंत ज्या गोष्टींची भीती वाटत होती,ती भीती झटकून टाक.लक्षात ठेवा,भीती ही केवळ एक भावना आहे,वास्तव नाही.जेव्हा तुम्ही भीतीचा सामना करता,तेव्हाच विकासाची दारे उघडतात.या नवीन वर्षात भीतीला नाही,तर ध्येयाला समोर ठेवा.आपण अनेकदा स्वतःभोवती एक मर्यादा आखून घेत “मी इतकंच करू शकतो “किंवा “माझी परिस्थिती अशीच आहे.”या मर्यादा आपणच आपल्या विचारांनी तयार केलेल्या असतात.या संकुचित विचारांच्या भिंती तोडून टाका.नवीन वर्षात स्वतःला अफाट आकाशात झेप घेण्याची परवानगी द्या.तुमच्या मर्यादा तिथेच संपतात जिथे तुमचा निश्चय सुरू होतो.नवीन वर्ष म्हणजे केवळ कॅलेंडर बदलणे नव्हे,तर स्वतःचा दृष्टिकोन बदलणे होय.ज्यावेळी तुम्ही हे संशय,भीती आणि मर्यादा यांचे ओझे उतरवून ठेवता,तेव्हाच तुम्ही खऱ्या अर्थाने नवीन वर्षाचे स्वागत करण्यासाठी सज्ज होता.येणारे वर्ष तुमच्यासाठी नवनवीन संधी आणि अफाट आनंद घेऊन येवो,हीच सदिच्छा.
प्रा. दिलीप आनंदराव जाधव, सांगली.*
. *सचिव*
*सांगली जिल्हा कनिष्ठ महाविद्यालयीन शिक्षक संघटना, सांगली.*
*राज्य कोषाध्यक्ष*
*कनिष्ठ महाविद्यालयीन मराठी विषय शिक्षक महासंघ,महाराष्ट्र राज्य.*
